နိုင်ငံရေးတွင် ငွေကြေးသည် အရေးကြီးပါသည်။ နိုင်ငံရေးကို ငွေမရှိလျှင် မလုပ်နိုင်။ ၂ဝ၁ဝ ရွေးကောက် ပွဲတွင် ပြည်သူ့ လွှတ်တော်သို့ ဝင်ရောက် ယှဉ်ပြိုင်မည့် ကိုယ်စားလှယ်လောင်း တစ်ဦး အတွက် မှတ်ပုံတင်ကြေး အနည်းဆုံး ကျပ်ငါးသိန်း ရှိမှနိုင်ငံရေး လုပ်နိုင်မည် ဖြစ်သည်။ နိုင်ငံရေး ပါတီ ထောင်လျှင်ပင် ပါတီ မှတ်ပုံ တင်ကြေးက သုံးသိန်း ဖြစ်သည်။ ပါတီစုံ ဒီမိုကရေစီ စနစ်တွင် အပြိုင် အဆိုင်သည် အရေးကြီး လာသည်။ ငွေမရှိလျှင် ဒီမိုကရေစီကို သက်ဝင် ယုံကြည်၍ ရသော်လည်းနိုင်ငံရေး မလုပ်နိုင်။ နိုင်ငံရေး လုပ်နိုင်ရန် လူ့အသိုင်း အဝိုင်း၊ ဓန အင်အား အခိုင် အမာ ပြရန်တော့ လိုပါသည်။ လွတ်လပ်စွာ ပြောဆိုခွင့် ရလျှင် လူထုကို ဟောပြော နိုင်ရန် အနည်းဆုံး လော်စပီကာ တစ်စုံ လောက်တော့ငှားရမ်း ရပါ လိမ့်မည်။လော်စပီကာ နှင့် စက်တစ်စုံစာ ငှားရမ်းခ လောက်တော့ အနည်းဆုံး တတ်နိုင် ရပါမည်။ ဒီမိုကရေစီ လုပ်ရန် အရင်း အနှီးတော့ လိုသည်။
ပြဋ္ဌာန်း ဥပဒေများ က နိုင်ငံရေး သမား တို့၏ ငွေကြေး များကို ထိန်းချုပ်သွား ပါလိမ့်မည်။ ပါတီ ထောင်ခြင်းသည် နိုင်ငံရေး လုပ်ရန် ဖြစ်ပြီး နိုင်ငံရေး လုပ်စားရန် မဟုတ်။ နိုင်ငံရေး နှင့် မှီပြီး အမြတ် ထုတ်ရန် မဟုတ်။ နိုင်ငံရေး သမားကို ပါတီကထိန်းချုပ် နိုင်သည်။ ပြဋ္ဌာန်း ဥပဒေ များက ထိန်းချုပ် နိုင်သည်။ပါတီ နှင့် ငွေကြေး ဆိုင်ရာ ကိစ္စ များတွင် ချက်ချင်း လက်ငင်း ထိန်းချုပ် နိုင်ရန် ခက်ခဲသည့် အကြောင်း ခြင်းရာ လေးရပ် ရှိသည်။
၁။ အပြိုင် အဆိုင် အနိုင် ရရေးသာ ဦးစားပေးခြင်း နိုင်ငံရေးတွင် ပြိုင်ဘက် အပေါ် အနိုင်ရရေး အတွက် သတ်မှတ် ချက်များကို လက်တစ်လုံးခြား နည်းဖြင့် ကျော်လွှား အနိုင်ယူရန် ကြိုးစား တတ်သည်။ ထို အချိန်မျိုးတွင် ငွေကြေးကို ပိုမို လွန်ကဲစွာသုံးရန် ဝန်မလေး တတ်ကြပေ။
၂။ ပါတီ အလိုက် ရန်ပုံငွေရနှုန်း မတူညီ နိုင်ခြင်း နယ်မြေ ဒေသ အလိုက်၊ ကိုယ်စားလှယ်လောင်း အလိုက်၊ ပြည်သူ၏ စိတ်ဝင်စားမှု အလိုက် ပါတီ အပေါ် ထောက်ပံ့ နိုင်သည့် ရန်ပုံငွေများ ကွာခြား နိုင်သည်။
၃။ နိုင်ငံရေး သမား အိတ်ထဲသို့ ရောက်သွားခြင်း နိုင်ငံရေးတွင် ပါတီကို ယုံကြည် သဖြင့် ထောက်ပံ့ သည်များ ရှိသလို၊ နိုင်ငံရေး သမားကို ယုံကြည် သဖြင့် လျှို့ဝှက် ထောက်ပံ့ သည်များလည်း ရှိနိုင်သည်။ တိတ်တဆိတ် ရောက်သွားသည့် ငွေကြေးကိုထိန်းချုပ် နိုင်ရန် ခက်ခဲသည်။
၎။ နိုင်ငံရေး အမည်း စက်ဖျက်ရခက်ခြင်း ငွေမည်း နှင့် တရား မဝင် ရသည့် ငွေကြေး များကို လက်ခံ ထားလျှင် ပါတီ စနစ်နှင့် မူဝါဒကို အားနည်း စေပြီး ကျဆုံး ခြင်းကို ဦးတည်စေ နိုင်သည်။
အထက်ပါ အချက်လေး ချက်ကို မထိန်းချုပ် နိုင်လျှင် နိုင်ငံရေးသာ မက နိုင်ငံ တစ်နိုင်ငံ ၏ စီးပွားရေး ဖွံ့ဖြိုး တိုးတက်မှု ကိုပါ ထိခိုက် နိုင်သည်။
နိုင်ငံရေးတွင် နိုင်ငံရေး ပါတီနှင့် နိုင်ငံရေး သမားတို့အား ငွေရေး ကြေးရေး အရ ထိန်းချုပ် နိုင်သည့် အချက် ငါးချက် ရှိသည်။
၁။ တရားဝင်ငွေကြေးထည့်ဝင်မှုများကို ကန့်သတ်ခြင်း
၂။ တရားမဝင်ငွေကြေးများကို တားမြစ်ပိတ်ပင်ခြင်း
၃။ ငွေသုံးစွဲမှုပမာဏကို ကန့်သတ်ခြင်း
၎။ စည်းရုံးလှုပ်ရှားချိန်ကို ကန့်သတ်ခြင်း
၅။ လူသိရှင်ကြား ထုတ်ဖော်ခိုင်းခြင်းတို့ဖြစ်သည်။
နိုင်ငံရေးတွင် ငွေကြေးဆိုင်ရာသုံးစွဲမှုများနှင့် ဝင်ငွေများကိုကန့်သတ်ထားရခြင်းမှာ ဥပဒေကို လိုက်နာနိုင်စေရန်နှင့် အများ ပြည်သူ အမြင်တွင် မတော် မတရား စည်းရုံး လှုပ်ရှား မှုများ ပြုလုပ် မနေကြောင်း ထင်သာ မြင်သာ ရှိစေရန် ဖြစ်သည်။
နိုင်ငံရေးတွင် ပြည်သူနှင့် နိုင်ငံရေး သမား၊ နိုင်ငံရေး ပါတီ တို့သည် ပွင့်လင်း မြင်သာသည့် အသွင် ဆောင်နေရန် အရေးကြီးသည်။
နိုင်ငံရေး သမားနှင့်နိုင်ငံရေးပါတီတို့သည် ပြည်သူကအမြင်ရှင်းရန်
၁။ ရငွေ သုံးငွေ စာရင်း များကို အမြဲ ပြုစု ထားပြီး အစစ်ဆေး ခံနိုင်ရန် အသင့် အနေ အထားတွင် အမြဲ ရှိနေ ရပါ လိမ့်မည်။
၂။ နိုင်ငံရေး စည်းရုံး လှုပ်ရှားပွဲများ အတွက် ကုန်ကျစရိတ်၊ ပါတီ ရန်ပုံငွေ တို့ကို မည်သူ စစ်ဆေးသည် ဖြစ်စေ အစစ်ဆေးခံ နိုင်ရန် အမြဲ အသင့် အနေအထားတွင် ရှိနေ ရပါ လိမ့်မည်။
ရိုးသား ပွင့်လင်းမှု၊ ပြည်သူကို ထုတ်ဖော် တင်ပြ နေမှု၊ အမှန် အမှန် အတိုင်း အရှိ အရှိ အတိုင်း ပြည်သူကို သိနိုင်ရန် ကြိုးစား နေရ မည်မှာ မိမိတို့ တာဝန် ဖြစ်ကြောင်း သဘောပေါက် ထားရန်လည်း လိုသည်။ ရိုးသား ပွင့်လင်း မှုသည် နိုင်ငံရေး တွင် နည်းဗျူဟာ တစ်ခု ဖြစ်ကြောင်း ကိုလည်း နိုင်ငံရေး သမားများ နှင့် နိုင်ငံရေး ပါတီမျာ သဘော ပေါက်ထားရန် လိုပါသည်။ ငွေကြေး အရ ယုံကြည်မှု မရှိ၊ အလွဲ သုံးစား ပြုနေကြောင်း ပြည်သူက သိလျှင် ပါတီ သို့မဟုတ် နိုင်ငံရေး သမား ကျဆုံးရမည်သာ ဖြစ်သည်။
USAID မှ နိုင်ငံပေါင်း ၁၁၈ နိုင်ငံတွင် လေ့လာ ဆန်းစစ်ချက် များအရ နိုင်ငံအတော် များများသည် မိမိတို့ နိုင်ငံရှိ နိုင်ငံရေး ပါတီ နှင့် နိုင်ငံရေး သမား များကို ထိန်းချုပ် ရကောင်းမှန်း မသိဟု ဆိုထားသည်။
USAID ၏ အစီရင် ခံစာကို အကျဉ်းချုပ် ဖော်ပြ ရလျှင်
၁။ အလှူရှင်များကို ဖုံးကွယ် ထားခြင်း နိုင်ငံရေး ပါတီ တစ်ရပ်သည် ရွေးကောက်ပွဲ အတွက် ကုန်ကျ စရိတ် အမှန် မည်သူ့ထံက ရသည်ကို ထုတ်ပြန်ရန် အားနည်းတတ် ကြသည်။ ၁၁၈ နိုင်ငံတွင် ၃၂ ရာခိုင်နှုန်းေ လာက်သာ အလှူုရှင် များ၏ အမည်ကို
ထုတ်ဖော်ကြောင်း တွေ့ရသည်။ သို့ဖြစ်ရာ နိုင်ငံ အများစု တွင် နိုင်ငံရေး ပါတီများ သည် မဲဆွယ် လှုပ်ရှားမှုများတွင် ရချင် သလိုရ၊ သုံးချင် သလို သုံး ပြည်သူတွေ အစစ်ဆေး မခံ နိုင်ရန် လျှို့ဝှက် ဖုံးကွယ် မှုများ ရှိနေ သေးကြောင်း တွေ့ရသည်။
၂။ လျှို့ဝှက် ငွေကြေးများ ထားခြင်း နိုင်ငံ များတွင် ၂၃ ရာခိုင်နှုန်းသည် ဥပဒေ အရ မည်သို့ ဆိုစေ ကာမူ ပါတီ ငွေကြေးကို ထုတ်ဖော်ရန် အားနည်း ကြသည်။ ၁၇ ရာခိုင်နှုန်း တွင် လျှို့ဝှက် ရန်ပုံငွေများ ထားသည် အထိ လုပ်ဆောင် နေကြ သည်။ငွေကို နည်းမျိုးစုံ နှင့် ပါတီ တွေက ရှာနေကြသော်လည်း ရငွေ နှင့် ပြည်သူကို ထုတ်ပြန် အသိပေးသော ငွေမှာ တခြားစီ ဖြစ်နေ တတ်သည်။
၃။ ဖုံးဖုံး ဖိဖိ ပြောကြခြင်း ပါတီများ အမှန်ထက် ပိုပြောလေ့ရှိသည့် ပမာဏမှာ ပါတီဝင် ဦးရေ ဖြစ်ပြီး သူတို့ အမှန်ထက် လျှော့ပြော သည်မှာ ဘဏ္ဍာရေး နှင့် ငွေရေး ကြေးရေး ရသုံး ဖြစ်သည်။ နိုင်ငံရေးတွင် အကျိုး မျှော်ပြီး ငွေပုံ အောထား တတ်သောစီးပွားရေး သမားများလည်း ရှိနိုင် သည်။ ထို လူချမ်းသာကြီး များသည် ပါတီ၏ ရွှေတွင်းကြီးတွေ ဖြစ်နေတတ် သော်လည်း ထို ရွှေဘယ်က ထွက်နေသည် ဆိုသော ရင်းမြစ်ကို ထုတ်ဖော်ရန် ကာယကံရှင် ကလည်း မလိုလား သလို၊ ပါတီတွေက လည်းကိုယ့်ရွှေတွင်း များကို ဖုံးကွယ် ပေးထား တတ်သည်။ ထို့ကြောင့် ငွေကြေး သုံးစွဲမှု များကို ဥပဒေများ နည်းဥပဒေများဖြင့် ကန့်သတ် ထားရခြင်း ဖြစ်သည်။ပါတီရန်ပုံငွေ ဘယ်ကလာသနည်း၊ ဘယ်ပုံဘယ်နည်းရှာသနည်းဆိုသည်မှာ ခန့်မှန်းရခက်လှသည်။ ငွေကြေးနှင့်ပတ်သက်နေသောကြောင့်လည်း ယုံကြည်မှုရနိုင်ရန် ခက်ခဲလှကြောင်း သတိပြုရန်လိုသည်။ ပါတီငွေကြေးဆိုင်ရာကိစ္စများ၊ရသုံးစာရင်းများကိုပြည်သူတို့ စိတ်ဝင်စားမှုနည်းပါးလှသည်။ အရာရာ ငါတို့နှင့်မဆိုင်ဆိုသည့် စိတ်ဓာတ်များကြောင့်လည်း ပါတီနှင့်နိုင်ငံရေးသမားတို့လှည့်စားမှုများကို ပြည်သူတို့ခံနေကြရခြင်းဖြစ်သည်။
နိုင်ငံတိုင်း၏ နိုင်ငံရေး တို့သည် သူ့သဘော သူဆောင်ပြီး ထူးခြားသော အသွင် လက္ခဏာများ ရှိကြသည်။ နိုင်ငံ များရှိ NGO များ၊ နိုင်ငံရေး သမားများ၊ မီဒီယာများ၊ နိုင်ငံရေး သုတေသီများ၊ ဒေသ ဆိုင်ရာ နှင့် နိုင်ငံတကာ အဖွဲ့အစည်းများ အနေဖြင့်နိုင်ငံတိုင်း၏ နိုင်ငံရေး တိုင်းတွင် တစ်နည်း မဟုတ် တစ်နည်း နည်းဖြင့် ပတ်သက် နေကြသည်သာ ဖြစ်သည်။ အဖြေ မထုတ်နိုင်သည့် နိုင်ငံရေး ပြဿနာ မရှိရ လေအောင် ဝိုင်းဝန်း ကူညီ ရန်လည်း အသင့် ရှိနေ ကြသည်သာ ဖြစ်သည်။ နိုင်ငံ တစ်နိုင်ငံ၏ နိုင်ငံရေး သမိုင်းသည် သိသာ မြင်သာသည့် အနေ အထားတွင် ရှိသော်လည်း နိုင်ငံရေး ပါတီနှင့် နိုင်ငံရေး သမား တို့၏ ဝင်ငွေကို သိနိုင်ရန်မှာ ခက်ခဲ လှသည်။ နိုင်ငံ တစ်နိုင်ငံတွင် နိုင်ငံရေး သမား တစ်ယောက် အနိုင် ရရေး အတွက် အသုံး ပြုသည့်ငွေကြေး ပမာဏကို စာရင်းပြုစု မှတ်တမ်း တင်ထား နိုင်ရန်လည်း အရေးကြီး လှသည်။ အနည်းဆုံး ထိုငွေများ ဘယ်က လာသနည်း ဆိုသည့် အကြောင်း လောက်ကိုတော့ သိထားရန် လိုပါသည်။
နိုင်ငံရေး ဆိုင်ရာ ငွေကြေး ရသုံး စာရင်းကို အမှန် အတိုင်း မသိရှိ ရလျှင် ထိုပါတီ သို့မဟုတ် နိုင်ငံရေး သမား နောက်ကွယ်တွင် မည်သူတွေ ရှိနေ သနည်း၊ မည်သည့် အဖွဲ့ အစည်း များနှင့် ပူးပေါင်း ဆောင်ရွက် နေသနည်း၊ ပြည်တွင်းလား ပြည်ပလား၊နိုင်ငံသူ နိုင်ငံသား လား၊ နိုင်ငံရေး စိတ်ဝင်စား သူတွေလား၊ မူးယစ် ဆေးဝါး ရောင်းဝယ်နေသည့် အဖွဲ့ အစည်း များလား စသည်ဖြင့် သို့လော သို့လော သံသယ ပွားစရာတွေ ဖြစ်လာ နိုင်ပါသည်။ ရာဇဝတ်ကြောင်း နှင့် မကင်းသည့် ငွေကြေးများ၊ နိုင်ငံခြား တိုင်းပြည်များ မှ အထောက် အပံ့များ ဖြစ်လျှင် ထိုပါတီ သို့မဟုတ် နိုင်ငံရေး ပါတီများ အတွက် အန္တရာယ် ရှိနိုင်သည်။ နိုင်ငံရေး ငွေကြေး ဆိုသည်မှာ ဒီမိုကရေစီရေး အတွက်လည်း အလွန် အရေး ကြီးသည်။ သန့်ရှင်းသော အစိုးရ တစ်ရပ် ပေါ်ပေါက် လာရေး အတွက် သန့်ရှင်းသည့် နောက်ခံ များလည်း ရှိရန် လိုပါသည်။ နိုင်ငံ တစ်နိုင်ငံ ၏ ရွေးကောက် ပွဲသည် ရလဒ် အမျိုးမျိုး ရှိနိုင်သည်။ ပါတီတွေလည်း အမျိုးမျိုးသော မူဝါဒ လမ်းစဉ်များ ချမှတ်ပြီး ပြည်သူကို စည်းရုံး လှုပ်ရှား နိုင်သည်။ ဒီမိုကရေစီနှင့် အစိုးရ အပေါ် ငွေကြေးဖြင့် ကျော်လွန်ပြီး လွှမ်းမိုး ဖော်ဆောင် လာမှုများ ကိုတော့ သတိထား ရမည် ဖြစ်သည်။ နိုင်ငံရေး ဆိုသည်မှာ သည်းခြေကြိုက်စာ ဖြစ်သည်။
တင်ညွန့်
၂၂ . ၄ . ၂၀၁၀ The Voice
ပြဋ္ဌာန်း ဥပဒေများ က နိုင်ငံရေး သမား တို့၏ ငွေကြေး များကို ထိန်းချုပ်သွား ပါလိမ့်မည်။ ပါတီ ထောင်ခြင်းသည် နိုင်ငံရေး လုပ်ရန် ဖြစ်ပြီး နိုင်ငံရေး လုပ်စားရန် မဟုတ်။ နိုင်ငံရေး နှင့် မှီပြီး အမြတ် ထုတ်ရန် မဟုတ်။ နိုင်ငံရေး သမားကို ပါတီကထိန်းချုပ် နိုင်သည်။ ပြဋ္ဌာန်း ဥပဒေ များက ထိန်းချုပ် နိုင်သည်။ပါတီ နှင့် ငွေကြေး ဆိုင်ရာ ကိစ္စ များတွင် ချက်ချင်း လက်ငင်း ထိန်းချုပ် နိုင်ရန် ခက်ခဲသည့် အကြောင်း ခြင်းရာ လေးရပ် ရှိသည်။
၁။ အပြိုင် အဆိုင် အနိုင် ရရေးသာ ဦးစားပေးခြင်း နိုင်ငံရေးတွင် ပြိုင်ဘက် အပေါ် အနိုင်ရရေး အတွက် သတ်မှတ် ချက်များကို လက်တစ်လုံးခြား နည်းဖြင့် ကျော်လွှား အနိုင်ယူရန် ကြိုးစား တတ်သည်။ ထို အချိန်မျိုးတွင် ငွေကြေးကို ပိုမို လွန်ကဲစွာသုံးရန် ဝန်မလေး တတ်ကြပေ။
၂။ ပါတီ အလိုက် ရန်ပုံငွေရနှုန်း မတူညီ နိုင်ခြင်း နယ်မြေ ဒေသ အလိုက်၊ ကိုယ်စားလှယ်လောင်း အလိုက်၊ ပြည်သူ၏ စိတ်ဝင်စားမှု အလိုက် ပါတီ အပေါ် ထောက်ပံ့ နိုင်သည့် ရန်ပုံငွေများ ကွာခြား နိုင်သည်။
၃။ နိုင်ငံရေး သမား အိတ်ထဲသို့ ရောက်သွားခြင်း နိုင်ငံရေးတွင် ပါတီကို ယုံကြည် သဖြင့် ထောက်ပံ့ သည်များ ရှိသလို၊ နိုင်ငံရေး သမားကို ယုံကြည် သဖြင့် လျှို့ဝှက် ထောက်ပံ့ သည်များလည်း ရှိနိုင်သည်။ တိတ်တဆိတ် ရောက်သွားသည့် ငွေကြေးကိုထိန်းချုပ် နိုင်ရန် ခက်ခဲသည်။
၎။ နိုင်ငံရေး အမည်း စက်ဖျက်ရခက်ခြင်း ငွေမည်း နှင့် တရား မဝင် ရသည့် ငွေကြေး များကို လက်ခံ ထားလျှင် ပါတီ စနစ်နှင့် မူဝါဒကို အားနည်း စေပြီး ကျဆုံး ခြင်းကို ဦးတည်စေ နိုင်သည်။
အထက်ပါ အချက်လေး ချက်ကို မထိန်းချုပ် နိုင်လျှင် နိုင်ငံရေးသာ မက နိုင်ငံ တစ်နိုင်ငံ ၏ စီးပွားရေး ဖွံ့ဖြိုး တိုးတက်မှု ကိုပါ ထိခိုက် နိုင်သည်။
နိုင်ငံရေးတွင် နိုင်ငံရေး ပါတီနှင့် နိုင်ငံရေး သမားတို့အား ငွေရေး ကြေးရေး အရ ထိန်းချုပ် နိုင်သည့် အချက် ငါးချက် ရှိသည်။
၁။ တရားဝင်ငွေကြေးထည့်ဝင်မှုများကို ကန့်သတ်ခြင်း
၂။ တရားမဝင်ငွေကြေးများကို တားမြစ်ပိတ်ပင်ခြင်း
၃။ ငွေသုံးစွဲမှုပမာဏကို ကန့်သတ်ခြင်း
၎။ စည်းရုံးလှုပ်ရှားချိန်ကို ကန့်သတ်ခြင်း
၅။ လူသိရှင်ကြား ထုတ်ဖော်ခိုင်းခြင်းတို့ဖြစ်သည်။
နိုင်ငံရေးတွင် ငွေကြေးဆိုင်ရာသုံးစွဲမှုများနှင့် ဝင်ငွေများကိုကန့်သတ်ထားရခြင်းမှာ ဥပဒေကို လိုက်နာနိုင်စေရန်နှင့် အများ ပြည်သူ အမြင်တွင် မတော် မတရား စည်းရုံး လှုပ်ရှား မှုများ ပြုလုပ် မနေကြောင်း ထင်သာ မြင်သာ ရှိစေရန် ဖြစ်သည်။
နိုင်ငံရေးတွင် ပြည်သူနှင့် နိုင်ငံရေး သမား၊ နိုင်ငံရေး ပါတီ တို့သည် ပွင့်လင်း မြင်သာသည့် အသွင် ဆောင်နေရန် အရေးကြီးသည်။
နိုင်ငံရေး သမားနှင့်နိုင်ငံရေးပါတီတို့သည် ပြည်သူကအမြင်ရှင်းရန်
၁။ ရငွေ သုံးငွေ စာရင်း များကို အမြဲ ပြုစု ထားပြီး အစစ်ဆေး ခံနိုင်ရန် အသင့် အနေ အထားတွင် အမြဲ ရှိနေ ရပါ လိမ့်မည်။
၂။ နိုင်ငံရေး စည်းရုံး လှုပ်ရှားပွဲများ အတွက် ကုန်ကျစရိတ်၊ ပါတီ ရန်ပုံငွေ တို့ကို မည်သူ စစ်ဆေးသည် ဖြစ်စေ အစစ်ဆေးခံ နိုင်ရန် အမြဲ အသင့် အနေအထားတွင် ရှိနေ ရပါ လိမ့်မည်။
ရိုးသား ပွင့်လင်းမှု၊ ပြည်သူကို ထုတ်ဖော် တင်ပြ နေမှု၊ အမှန် အမှန် အတိုင်း အရှိ အရှိ အတိုင်း ပြည်သူကို သိနိုင်ရန် ကြိုးစား နေရ မည်မှာ မိမိတို့ တာဝန် ဖြစ်ကြောင်း သဘောပေါက် ထားရန်လည်း လိုသည်။ ရိုးသား ပွင့်လင်း မှုသည် နိုင်ငံရေး တွင် နည်းဗျူဟာ တစ်ခု ဖြစ်ကြောင်း ကိုလည်း နိုင်ငံရေး သမားများ နှင့် နိုင်ငံရေး ပါတီမျာ သဘော ပေါက်ထားရန် လိုပါသည်။ ငွေကြေး အရ ယုံကြည်မှု မရှိ၊ အလွဲ သုံးစား ပြုနေကြောင်း ပြည်သူက သိလျှင် ပါတီ သို့မဟုတ် နိုင်ငံရေး သမား ကျဆုံးရမည်သာ ဖြစ်သည်။
USAID မှ နိုင်ငံပေါင်း ၁၁၈ နိုင်ငံတွင် လေ့လာ ဆန်းစစ်ချက် များအရ နိုင်ငံအတော် များများသည် မိမိတို့ နိုင်ငံရှိ နိုင်ငံရေး ပါတီ နှင့် နိုင်ငံရေး သမား များကို ထိန်းချုပ် ရကောင်းမှန်း မသိဟု ဆိုထားသည်။
USAID ၏ အစီရင် ခံစာကို အကျဉ်းချုပ် ဖော်ပြ ရလျှင်
၁။ အလှူရှင်များကို ဖုံးကွယ် ထားခြင်း နိုင်ငံရေး ပါတီ တစ်ရပ်သည် ရွေးကောက်ပွဲ အတွက် ကုန်ကျ စရိတ် အမှန် မည်သူ့ထံက ရသည်ကို ထုတ်ပြန်ရန် အားနည်းတတ် ကြသည်။ ၁၁၈ နိုင်ငံတွင် ၃၂ ရာခိုင်နှုန်းေ လာက်သာ အလှူုရှင် များ၏ အမည်ကို
ထုတ်ဖော်ကြောင်း တွေ့ရသည်။ သို့ဖြစ်ရာ နိုင်ငံ အများစု တွင် နိုင်ငံရေး ပါတီများ သည် မဲဆွယ် လှုပ်ရှားမှုများတွင် ရချင် သလိုရ၊ သုံးချင် သလို သုံး ပြည်သူတွေ အစစ်ဆေး မခံ နိုင်ရန် လျှို့ဝှက် ဖုံးကွယ် မှုများ ရှိနေ သေးကြောင်း တွေ့ရသည်။
၂။ လျှို့ဝှက် ငွေကြေးများ ထားခြင်း နိုင်ငံ များတွင် ၂၃ ရာခိုင်နှုန်းသည် ဥပဒေ အရ မည်သို့ ဆိုစေ ကာမူ ပါတီ ငွေကြေးကို ထုတ်ဖော်ရန် အားနည်း ကြသည်။ ၁၇ ရာခိုင်နှုန်း တွင် လျှို့ဝှက် ရန်ပုံငွေများ ထားသည် အထိ လုပ်ဆောင် နေကြ သည်။ငွေကို နည်းမျိုးစုံ နှင့် ပါတီ တွေက ရှာနေကြသော်လည်း ရငွေ နှင့် ပြည်သူကို ထုတ်ပြန် အသိပေးသော ငွေမှာ တခြားစီ ဖြစ်နေ တတ်သည်။
၃။ ဖုံးဖုံး ဖိဖိ ပြောကြခြင်း ပါတီများ အမှန်ထက် ပိုပြောလေ့ရှိသည့် ပမာဏမှာ ပါတီဝင် ဦးရေ ဖြစ်ပြီး သူတို့ အမှန်ထက် လျှော့ပြော သည်မှာ ဘဏ္ဍာရေး နှင့် ငွေရေး ကြေးရေး ရသုံး ဖြစ်သည်။ နိုင်ငံရေးတွင် အကျိုး မျှော်ပြီး ငွေပုံ အောထား တတ်သောစီးပွားရေး သမားများလည်း ရှိနိုင် သည်။ ထို လူချမ်းသာကြီး များသည် ပါတီ၏ ရွှေတွင်းကြီးတွေ ဖြစ်နေတတ် သော်လည်း ထို ရွှေဘယ်က ထွက်နေသည် ဆိုသော ရင်းမြစ်ကို ထုတ်ဖော်ရန် ကာယကံရှင် ကလည်း မလိုလား သလို၊ ပါတီတွေက လည်းကိုယ့်ရွှေတွင်း များကို ဖုံးကွယ် ပေးထား တတ်သည်။ ထို့ကြောင့် ငွေကြေး သုံးစွဲမှု များကို ဥပဒေများ နည်းဥပဒေများဖြင့် ကန့်သတ် ထားရခြင်း ဖြစ်သည်။ပါတီရန်ပုံငွေ ဘယ်ကလာသနည်း၊ ဘယ်ပုံဘယ်နည်းရှာသနည်းဆိုသည်မှာ ခန့်မှန်းရခက်လှသည်။ ငွေကြေးနှင့်ပတ်သက်နေသောကြောင့်လည်း ယုံကြည်မှုရနိုင်ရန် ခက်ခဲလှကြောင်း သတိပြုရန်လိုသည်။ ပါတီငွေကြေးဆိုင်ရာကိစ္စများ၊ရသုံးစာရင်းများကိုပြည်သူတို့ စိတ်ဝင်စားမှုနည်းပါးလှသည်။ အရာရာ ငါတို့နှင့်မဆိုင်ဆိုသည့် စိတ်ဓာတ်များကြောင့်လည်း ပါတီနှင့်နိုင်ငံရေးသမားတို့လှည့်စားမှုများကို ပြည်သူတို့ခံနေကြရခြင်းဖြစ်သည်။
နိုင်ငံတိုင်း၏ နိုင်ငံရေး တို့သည် သူ့သဘော သူဆောင်ပြီး ထူးခြားသော အသွင် လက္ခဏာများ ရှိကြသည်။ နိုင်ငံ များရှိ NGO များ၊ နိုင်ငံရေး သမားများ၊ မီဒီယာများ၊ နိုင်ငံရေး သုတေသီများ၊ ဒေသ ဆိုင်ရာ နှင့် နိုင်ငံတကာ အဖွဲ့အစည်းများ အနေဖြင့်နိုင်ငံတိုင်း၏ နိုင်ငံရေး တိုင်းတွင် တစ်နည်း မဟုတ် တစ်နည်း နည်းဖြင့် ပတ်သက် နေကြသည်သာ ဖြစ်သည်။ အဖြေ မထုတ်နိုင်သည့် နိုင်ငံရေး ပြဿနာ မရှိရ လေအောင် ဝိုင်းဝန်း ကူညီ ရန်လည်း အသင့် ရှိနေ ကြသည်သာ ဖြစ်သည်။ နိုင်ငံ တစ်နိုင်ငံ၏ နိုင်ငံရေး သမိုင်းသည် သိသာ မြင်သာသည့် အနေ အထားတွင် ရှိသော်လည်း နိုင်ငံရေး ပါတီနှင့် နိုင်ငံရေး သမား တို့၏ ဝင်ငွေကို သိနိုင်ရန်မှာ ခက်ခဲ လှသည်။ နိုင်ငံ တစ်နိုင်ငံတွင် နိုင်ငံရေး သမား တစ်ယောက် အနိုင် ရရေး အတွက် အသုံး ပြုသည့်ငွေကြေး ပမာဏကို စာရင်းပြုစု မှတ်တမ်း တင်ထား နိုင်ရန်လည်း အရေးကြီး လှသည်။ အနည်းဆုံး ထိုငွေများ ဘယ်က လာသနည်း ဆိုသည့် အကြောင်း လောက်ကိုတော့ သိထားရန် လိုပါသည်။
နိုင်ငံရေး ဆိုင်ရာ ငွေကြေး ရသုံး စာရင်းကို အမှန် အတိုင်း မသိရှိ ရလျှင် ထိုပါတီ သို့မဟုတ် နိုင်ငံရေး သမား နောက်ကွယ်တွင် မည်သူတွေ ရှိနေ သနည်း၊ မည်သည့် အဖွဲ့ အစည်း များနှင့် ပူးပေါင်း ဆောင်ရွက် နေသနည်း၊ ပြည်တွင်းလား ပြည်ပလား၊နိုင်ငံသူ နိုင်ငံသား လား၊ နိုင်ငံရေး စိတ်ဝင်စား သူတွေလား၊ မူးယစ် ဆေးဝါး ရောင်းဝယ်နေသည့် အဖွဲ့ အစည်း များလား စသည်ဖြင့် သို့လော သို့လော သံသယ ပွားစရာတွေ ဖြစ်လာ နိုင်ပါသည်။ ရာဇဝတ်ကြောင်း နှင့် မကင်းသည့် ငွေကြေးများ၊ နိုင်ငံခြား တိုင်းပြည်များ မှ အထောက် အပံ့များ ဖြစ်လျှင် ထိုပါတီ သို့မဟုတ် နိုင်ငံရေး ပါတီများ အတွက် အန္တရာယ် ရှိနိုင်သည်။ နိုင်ငံရေး ငွေကြေး ဆိုသည်မှာ ဒီမိုကရေစီရေး အတွက်လည်း အလွန် အရေး ကြီးသည်။ သန့်ရှင်းသော အစိုးရ တစ်ရပ် ပေါ်ပေါက် လာရေး အတွက် သန့်ရှင်းသည့် နောက်ခံ များလည်း ရှိရန် လိုပါသည်။ နိုင်ငံ တစ်နိုင်ငံ ၏ ရွေးကောက် ပွဲသည် ရလဒ် အမျိုးမျိုး ရှိနိုင်သည်။ ပါတီတွေလည်း အမျိုးမျိုးသော မူဝါဒ လမ်းစဉ်များ ချမှတ်ပြီး ပြည်သူကို စည်းရုံး လှုပ်ရှား နိုင်သည်။ ဒီမိုကရေစီနှင့် အစိုးရ အပေါ် ငွေကြေးဖြင့် ကျော်လွန်ပြီး လွှမ်းမိုး ဖော်ဆောင် လာမှုများ ကိုတော့ သတိထား ရမည် ဖြစ်သည်။ နိုင်ငံရေး ဆိုသည်မှာ သည်းခြေကြိုက်စာ ဖြစ်သည်။
တင်ညွန့်
၂၂ . ၄ . ၂၀၁၀ The Voice
0 comments:
Post a Comment